მომსახურების პირობები

ბოლო განახლება: English version

ეს პირობები არეგულირებს Activo-ს (activo.world) გამოყენებას. ანგარიშის შექმნით ან სერვისის გამოყენებით ეთანხმები ამ პირობებს და კონფიდენციალურობის პოლიტიკას. მომსახურებას გიწევს Activo (activo.world).

  1. რა არის Activo

    Activo აქტივების მართვის ონლაინ სერვისია: აქტივების, ხელშეკრულებებისა და გადახდების აღრიცხვა, ჯავშნების კალენდარი, შეხსენებები და გაფრთხილებები, WhatsApp შეტყობინებები დამქირავებლებისა და მძღოლებისთვის, GPS წითელი ხაზები, ბაზრის შეფასებები და კალკულატორები. სერვისს მუდმივად ვაუმჯობესებთ, ამიტომ ფუნქციები შეიძლება შეიცვალოს.

  2. ანგარიში

    • Activo-ს გამოყენება შეუძლია 18 წელს მიღწეულ პირს — საკუთარი სახელით ან იმ ორგანიზაციის სახელით, რომლის წარმომადგენლობის უფლებაც აქვს.
    • მიუთითე სწორი ელფოსტა და დაიცავი პაროლი. შენი ანგარიშიდან შესრულებულ ქმედებებზე, მათ შორის გუნდის მოწვეული წევრების ქმედებებზე, პასუხს შენ აგებ.
    • აკრძალულია სხვის ანგარიშში ან სისტემაში შეღწევის მცდელობა, სერვისის ავტომატური მასობრივი ჩამოტვირთვა, მისი ხელოვნური გადატვირთვა და მისი გამოყენება კანონსაწინააღმდეგო მიზნით.

  3. გეგმები და გადახდა

    • ახალ ანგარიშს პირველი 30 დღე ყველაზე მაღალი გეგმის შესაძლებლობები უფასოდ აქვს.
    • თვიური ფასები ლარში: პირადი ანგარიში — სტარტი 15 ₾, სტანდარტი 29 ₾, პრო 49 ₾; კომპანიის ანგარიში — ბიზნესი S 99 ₾, ბიზნესი M 199 ₾. რეგისტრაციის შემდეგ ისინი აპშიც ჩანს, გვერდზე „პაკეტი და გადახდა“. გადახდა ხდება Flitt-ის მეშვეობით, ერთი თვით წინასწარ. ბარათიდან თანხა ავტომატურად არ ჩამოიჭრება — ყოველი გადახდა გეგმას ერთი თვით აგრძელებს.
    • გადახდილი პერიოდის განმავლობაში გეგმის შეცვლისას დარჩენილი დრო ახალ ფასზე გადაითვლება.
    • საცდელი პერიოდის ან გადახდილი პერიოდის დასრულებიდან 3 დღის შემდეგ, ახალი გადახდის გარეშე, ანგარიშს უფასოდ რჩება მხოლოდ 2 აქტივი და 1 ერთეული (ყველაზე იაფ გეგმაზე ნაკლები). მონაცემები არ იშლება — მხოლოდ ლიმიტს ზემოთ ახლის დამატება ჩერდება.
    • გადახდილი თვის თანხა არ ბრუნდება, გარდა კანონით, მათ შორის მომხმარებლის უფლებების დაცვის კანონმდებლობით, გათვალისწინებული შემთხვევებისა და იმ შემთხვევისა, როცა სერვისი ჩვენი მიზეზით ვერ მიიღე.
    • ფასის ცვლილებას წინასწარ გამოვაქვეყნებთ; ის უკვე გადახდილ პერიოდზე არ ვრცელდება.

  4. შენი და სხვა ადამიანების მონაცემები

    • შენ მიერ შეყვანილი მონაცემები შენია. გვაძლევ უფლებას, დავამუშაოთ ისინი მხოლოდ სერვისის მოსაწოდებლად, კონფიდენციალურობის პოლიტიკის მიხედვით.
    • დამქირავებლის, სტუმრის ან მძღოლის მონაცემებზე დამუშავებისთვის პასუხისმგებელი პირი შენ ხარ, Activo კი — შენი დავალებით მოქმედი უფლებამოსილი პირი. შენ უზრუნველყოფ, რომ მათი მონაცემების შეყვანისა და დამუშავების კანონიერი საფუძველი გქონდეს და ისინი ამის შესახებ ინფორმირებული იყვნენ.
    • ამ მონაცემებს ვამუშავებთ მხოლოდ შენი მითითებით, ვიცავთ მათ კონფიდენციალურობას, ვიყენებთ მხოლოდ პოლიტიკაში ჩამოთვლილ მომწოდებლებს, გეხმარებით მონაცემთა სუბიექტის მოთხოვნებზე პასუხში და ანგარიშის წაშლისას მათ ვშლით.

  5. შეტყობინებები შენი სახელით

    • Activo დამქირავებლებსა და მძღოლებს WhatsApp-ით წერს შენი სახელით, შაბლონებით, რომლებსაც შენ ხედავ და ცვლი. შეტყობინების შინაარსზე, გაგზავნაზე და შედეგებზე პასუხს შენ აგებ — განსაკუთრებით შენ მიერ შეცვლილ ტექსტზე.
    • მიმღები შენთან ურთიერთობისას (მაგალითად, ხელშეკრულებაში) უნდა დათანხმებოდა შეტყობინებების მიღებას. სპამი, მუქარა, შეურაცხყოფა და კანონსაწინააღმდეგო მოთხოვნა აკრძალულია; ვინც უარს იტყვის, მას შეტყობინება აღარ უნდა გაეგზავნოს.
    • შეტყობინება ავტომობილის დაბრუნების ან სხვა ღონისძიების შესახებ მხოლოდ ინფორმაციაა: ღონისძიება ხელშეკრულებისა და კანონის ფარგლებში შენი გადაწყვეტილებაა. Activo თავად არ უკავშირდება პოლიციას ან 112-ს — მათთვის მიმართვის უფლება შენ გაქვს.
    • შეტყობინების მიწოდება WhatsApp-ზეა დამოკიდებული; მიუწოდებელ ან დაგვიანებულ შეტყობინებაზე პასუხს არ ვაგებთ.

  6. GPS და წითელი ხაზები

    • ტრეკერს დააყენებ და დააკავშირებ მხოლოდ შენს საკუთრებაში ან კანონიერ მფლობელობაში არსებულ ავტომობილზე.
    • მძღოლს ტრეკერის შესახებ წინასწარ და წერილობით უნდა აცნობო — რისთვის და რა მონაცემები მუშავდება — და ეს შენს ხელშეკრულებაში უნდა აისახოს.
    • გაფრთხილებები საინფორმაციოა: მათი სიზუსტე ტრეკერსა და კავშირზეა დამოკიდებული. Activo ავტომობილს არ აჩერებს და არ თიშავს.

  7. შეფასებები რჩევა არ არის

    ბაზრის საშუალოები, ფასის შეთავაზებები, წმინდა ღირებულება და კალკულატორები მიახლოებითი შეფასებებია — არა ფინანსური, საინვესტიციო, საგადასახადო ან იურიდიული რჩევა. გადაწყვეტილებას შენ იღებ.

  8. ხელმისაწვდომობა

    ვცდილობთ, სერვისი უწყვეტად მუშაობდეს, თუმცა ამას ვერ გარანტირებთ: შესაძლოა შეფერხდეს ტექნიკური სამუშაოების ან მესამე მხარის (ჰოსტინგი, WhatsApp, Flitt, კალენდრის არხები, ფასების წყაროები) გამო. სერვისი მოცემულია „როგორც არის“.

  9. პასუხისმგებლობა

    • კანონით დაშვებულ ფარგლებში Activo არ აგებს პასუხს არაპირდაპირ ზიანზე, მიუღებელ შემოსავალზე, გადაუხდელ ქირაზე და შენსა და მესამე პირს შორის დავაზე.
    • ჩვენი ჯამური პასუხისმგებლობა შემოიფარგლება თანხით, რომელიც ზიანის გამომწვევ მოვლენამდე ბოლო 12 თვეში გადაგვიხადე.
    • ეს შეზღუდვა არ ვრცელდება განზრახ ან უხეში გაუფრთხილებლობით მიყენებულ ზიანზე და იმ უფლებებზე, რომლებსაც კანონი ვერ ზღუდავს.

  10. შეწყვეტა

    • გამოყენების შეწყვეტა ნებისმიერ დროს შეგიძლია. ანგარიშისა და მონაცემების წაშლა მოგვთხოვე მისამართზე contact@activo.world.
    • ამ პირობების არსებითი დარღვევისას ანგარიში შეიძლება შევაჩეროთ ან დავხუროთ — შესაძლებლობისამებრ წინასწარი გაფრთხილებით.
    • დახურვამდე შეგიძლია მოგვთხოვო შენი მონაცემების ასლი.

  11. მოქმედი სამართალი და დავები

    ეს პირობები საქართველოს კანონმდებლობით რეგულირდება. დავის მოგვარებას ჯერ მოლაპარაკებით ვცდით; შეუთანხმებლობისას დავას განიხილავს თბილისის საქალაქო სასამართლო. მომხმარებლისთვის კანონით მინიჭებული უფლებები ამით არ იზღუდება.

  12. პირობების ცვლილება

    არსებით ცვლილებას ამ გვერდზე ძალაში შესვლამდე არანაკლებ 14 დღით ადრე გამოვაქვეყნებთ. ცვლილების ძალაში შესვლის შემდეგ სერვისის გამოყენება მის მიღებას ნიშნავს. პირობები ქართულ და ინგლისურ ენებზეა; შეუსაბამობისას უპირატესობა ქართულ ვერსიას აქვს.

  13. კონტაქტი

    Activo (activo.world) · contact@activo.world · საკონტაქტო გვერდი