კონფიდენციალურობის პოლიტიკა
ეს პოლიტიკა აგიხსნის, რა პერსონალურ მონაცემებს ამუშავებს Activo (activo.world), რისთვის და რა საფუძვლით, ვის გადაეცემა, რამდენ ხანს ინახება და რა უფლებები გაქვს — „პერსონალურ მონაცემთა დაცვის შესახებ“ საქართველოს კანონის შესაბამისად. ის ეხება იმ ადამიანებსაც, რომელთა მონაცემებსაც შენ შეიყვან Activo-ში: დამქირავებლებს, სტუმრებს და მძღოლებს.
ვინ ამუშავებს მონაცემებს
შენი ანგარიშის მონაცემებზე დამუშავებისთვის პასუხისმგებელი პირია Activo (activo.world). დაგვიკავშირდი: contact@activo.world.
როცა Activo-ში სხვა ადამიანის მონაცემს შეიყვან — დამქირავებლის, სტუმრის ან მძღოლის სახელს, ტელეფონს, ხელშეკრულებას ან ავტომობილის მდებარეობას — მასზე დამუშავებისთვის პასუხისმგებელი პირი შენ ხარ. Activo ამ მონაცემებს შენი დავალებით, დამუშავებაზე უფლებამოსილი პირის როლში ამუშავებს და მხოლოდ იმისთვის, რომ სერვისი შენთვის იმუშაოს — გარდა ქვემოთ აღწერილი ანონიმური უბნის საშუალოებისა.
რა მონაცემებს ვამუშავებთ
- ანგარიში: ელფოსტა და ის, დადასტურებულია თუ არა, პაროლი (მხოლოდ ჰეშის სახით — თავად პაროლი არსად ინახება), სახელი (თუ მიუთითებ), ენა და სამუშაო სივრცის ტიპი; გუნდში მოწვევისას — მოწვეულის ელფოსტა და მისი როლი.
- გუნდი და ქმედებების ჟურნალი: ვინ რა გააკეთა სივრცეში და როდის (მაგალითად, „ჩაწერა გადახდა“, აქტივის ან დამქირავებლის სახელით). კომპანიის სივრცეში მის მონაცემებსა და ფაილებს მფლობელი და გუნდის ყველა წევრი ხედავს; ჟურნალს — მფლობელი და გუნდი.
- ატვირთული დოკუმენტები და ფოტოები: რასაც თავად ატვირთავ — მაგალითად, ხელშეკრულება, დამქირავებლის ან მძღოლის პირადობის ასლი, ტექპასპორტი, ქვითრები.
- ინვოისები: დამქირავებლის სახელი და ტელეფონი, თანხა, პერიოდი, შენი „გამომწერის“ მონაცემები და გადახდის ინსტრუქცია; ინვოისს შეიძლება ჰქონდეს ბმული, რომელსაც დამქირავებელს გაუზიარებ.
- შეტყობინებები: მოწყობილობები, სადაც ტელეფონის შეტყობინებებს ჩართავ (push მისამართი და ბრაუზერის ტიპი); ელფოსტის დადასტურების ბმული. თუ საკუთარ WhatsApp Business ნომერს დააკავშირებ — მისი იდენტიფიკატორი, ნომერი და Meta-ს წვდომის ტოკენი (დაშიფრულად).
- უსაფრთხოება: სესიის ჩანაწერი (ცალმხრივი ჰეშით) და შესვლის მცდელობები (ელფოსტა და IP მისამართი) — ზედმეტი მცდელობების შესაზღუდად.
- შენი პორტფელი: აქტივები, მისამართები, ღირებულებები, ხელშეკრულებები, გადახდები, შემოსავალი, ჯავშნები, ციფრული აქტივები და შენიშვნები — რასაც თავად შეიყვან.
- სხვა ადამიანების მონაცემები, რასაც შენ შეიყვან: დამქირავებლის, სტუმრის ან მძღოლის სახელი და ტელეფონის ნომერი, ხელშეკრულების პირობები, გადახდები, მათთვის გაგზავნილი შეტყობინებების ტექსტი და შენი აღნიშვნა — დაეთანხმა თუ არა WhatsApp შეტყობინებებს და ხომ არ ითხოვა მათი შეწყვეტა. გადახდის ინსტრუქცია (მაგალითად, ანგარიშის ნომერი), რომელსაც შენ დაწერ, შეტყობინებებში ემატება.
- ავტომობილის მდებარეობა, თუ GPS ტრეკერს დააკავშირებ: ბოლო მიღებული წერტილი, სიჩქარე და დრო (ყოველი ახალი სიგნალი წინას ცვლის) და ის წერტილები, სადაც ავტომობილი შენ მიერ დადგენილ წითელ ხაზს მიუახლოვდა, გადაკვეთა ან დაბრუნდა. მარშრუტის ისტორიას არ ვინახავთ.
- კალენდრები: Airbnb-ისა და Booking.com-ის iCal ბმულები და მათგან მიღებული ჯავშნების თარიღები (და სტუმრის სახელი, თუ არხი მას შეიცავს); ასევე თითოეული ერთეულის კალენდრის ბმული, რომელსაც თავად აძლევ არხებს (ერთეულის სახელი და დაკავებული ღამეები — სტუმრის მონაცემების გარეშე).
- გადახდა: გეგმა, თანხა, შეკვეთის ნომერი და სტატუსი. ბარათის მონაცემებს Flitt-ის გვერდზე შეიყვან — ისინი ჩვენამდე არ მოდის.
- ტექნიკური: მხოლოდ აუცილებელი ქუქიები — session (შესვლა), locale (ენა), theme (ფერის რეჟიმი), splash_seen (შესავლის ერთხელ ჩვენება); ბრაუზერის localStorage ტურის პროგრესისთვის; ჰოსტინგის სერვერის ჟურნალი (IP მისამართი, დრო, გვერდი). სარეკლამო ან ანალიტიკურ თვალთვალს არ ვიყენებთ.
რისთვის და რა საფუძვლით
- სერვისის მიწოდება — ანგარიში, პორტფელი, კალენდარი, შეხსენებები და გაფრთხილებები: ჩვენ შორის დადებული ხელშეკრულების (მომსახურების პირობები) შესრულება.
- WhatsApp შეტყობინებები დამქირავებლებსა და მძღოლებს, შენი სახელით და შენი მითითებით: ვმოქმედებთ როგორც უფლებამოსილი პირი; სამართლებრივი საფუძველი შენ უნდა გქონდეს — მაგალითად, ხელშეკრულება დამქირავებელთან ან მისი თანხმობა. შეტყობინება მხოლოდ მაშინ იგზავნება, როცა მიმღების თანხმობას ხელშეკრულებაში აღნიშნავ.
- GPS-ით წითელი ხაზის გაფრთხილებები: ვმოქმედებთ როგორც უფლებამოსილი პირი; საფუძველია შენი ხელშეკრულება მძღოლთან და მისი წინასწარი ინფორმირება.
- უსაფრთხოება და ბოროტად გამოყენების თავიდან აცილება (შესვლის ლიმიტი, ჟურნალები): ჩვენი კანონიერი ინტერესი.
- გადახდა და აღრიცხვა: ხელშეკრულების შესრულება და კანონით დაკისრებული ვალდებულება (საგადასახადო აღრიცხვა).
- წერილები (პაროლის აღდგენა, ელფოსტის დადასტურება, სასწრაფო გაფრთხილებები) და ტელეფონის შეტყობინებები: ხელშეკრულების შესრულება; გაფრთხილების წერილებსა და შეტყობინებებს პარამეტრებში გამორთავ.
- ქმედებების ჟურნალი — რომ მფლობელმა დაინახოს, გუნდში ვინ რა შეცვალა: სივრცის უსაფრთხოება, შენი და ჩვენი კანონიერი ინტერესი.
- ფასის შეთავაზების ახსნა ხელოვნური ინტელექტით, როცა ჩართულია: იგზავნება ერთეულის სახელი, უბანი, ქალაქი და ფასები — არა დამქირავებლის ან სტუმრის მონაცემები; ჩვენი კანონიერი ინტერესი.
- ანონიმური საბაზრო საშუალოები: მიმდინარე ხელშეკრულებებისა და ჯავშნების ქირიდან ვითვლით უბნის საშუალო ქირას მ²-ზე, ღამის ფასს და დატვირთვას. ინახება მხოლოდ უბნის საშუალო და მხოლოდ მაშინ, როცა ის მინიმუმ 5 ჩანაწერს მინიმუმ 3 სხვადასხვა ანგარიშიდან ეყრდნობა — არც ერთი მფლობელის, დამქირავებლის ან სტუმრის მონაცემი არ ჩანს და არ გადაეცემა; ჩვენი კანონიერი ინტერესი (საბაზრო შედარება ყველა მომხმარებლისთვის).
მარკეტინგულ შეტყობინებებს თანხმობის გარეშე არ ვაგზავნით, მონაცემებს არ ვყიდით და შენზე სამართლებრივი შედეგის მქონე ავტომატურ გადაწყვეტილებას არ ვიღებთ.
ვის გადაეცემა მონაცემები
მონაცემებს მხოლოდ იმ მომწოდებლებს ვანდობთ, რომლებიც სერვისის სამუშაოდ გვჭირდება, და მხოლოდ იმას, რაც მათ თავიანთი ნაწილისთვის სჭირდებათ:
- Vercel — ჰოსტინგი: ყველა მოთხოვნა მასზე გადის; ასევე დახურული საცავი, სადაც ინახება შენ მიერ ატვირთული დოკუმენტები და ფოტოები.
- Neon — მონაცემთა ბაზა: ყველა შენახული მონაცემი.
- Meta Platforms (WhatsApp Business) — მიმღების ტელეფონი და შეტყობინების ტექსტი, როცა შეტყობინება იგზავნება (თუ საკუთარ ნომერს დააკავშირებ — შენი Meta-ს ანგარიშით).
- Flitt — ბარათით გადახდა: ბარათის მონაცემებს თავად იღებს.
- Resend — პაროლის აღდგენის და სასწრაფო შეტყობინებების წერილები: შენი ელფოსტა და შეტყობინების ტექსტი.
- შენი ბრაუზერის push-სერვისი (Google, Apple, Mozilla) — დაშიფრული შეტყობინება ტელეფონზე, თუ ჩართავ.
- Sentry — შეცდომების ანგარიშები: შეცდომის ტექნიკური დეტალები, სახელისა და ელფოსტის გარეშე.
- Anthropic — ფასის შეთავაზების ახსნის ტექსტი (ერთეულის სახელი, უბანი, ფასები) და დახმარების ჩატში დაწერილი შეტყობინებები, რომ პასუხი დაიწეროს — როცა ეს ფუნქციები ჩართულია. ჩატი შენს ანგარიშს ვერ ხედავს; პირად მონაცემებს ჩატში ნუ ჩაწერ.
- OpenStreetMap — რუკის ფრაგმენტები წითელი ხაზის დახატვისას: შენი IP მისამართი და რუკის არე.
ბაზრის ფასების წყაროებს (CoinGecko, Finnhub, Stooq, Gold API, საქართველოს ეროვნული ბანკი) მხოლოდ აქტივის სიმბოლოს ვეკითხებით — პერსონალურ მონაცემს არა. Airbnb-სა და Booking.com-ს მხოლოდ შენ მიერ მოცემულ კალენდრის ბმულს ვკითხულობთ, ხოლო ერთეულის დაკავებული ღამეების ბმულს მათ შენ აძლევ. ინვოისის გაზიარებული ბმული შესვლის გარეშე იხსნება — ვისაც აქვს, ის ხედავს მას (დამქირავებლის სახელითა და ტელეფონით, შენი რეკვიზიტებით), სანამ ინვოისს არ გააუქმებ. სახელმწიფო ორგანოს მონაცემს მხოლოდ კანონით გათვალისწინებულ შემთხვევაში გადავცემთ.
მონაცემები საქართველოს ფარგლებს გარეთ
ჩამოთვლილი მომწოდებლების ნაწილი მონაცემებს საქართველოს გარეთ ამუშავებს (მაგალითად, აშშ-სა და ევროკავშირში). ასეთ გადაცემას მხოლოდ კანონით გათვალისწინებული დაცვის გარანტიებით ვახორციელებთ — მაგალითად, მომწოდებელთან დადებული მონაცემთა დამუშავების ხელშეკრულებით.
რამდენ ხანს ვინახავთ
- ანგარიშისა და პორტფელის მონაცემებს — სანამ ანგარიში არსებობს. თუ ანგარიშს თავად წაშლი (პარამეტრები → შენი მონაცემები), ის მაშინვე იშლება ყველაფერთან ერთად, რაც მასში იყო — ატვირთული ფაილებიც, მათ შორის გამოწერის გადახდების ჩვენეული ჩანაწერიც (ბაზის სარეზერვო ასლში შეიძლება კიდევ რამდენიმე დღე დარჩეს, სანამ ის განახლდება); ბარათით გადახდის ჩანაწერს Flitt საგადასახადო კანონმდებლობით დადგენილი ვადით ინახავს. წერილობითი მოთხოვნისას 30 დღეში ვშლით.
- რასაც თავად წაშლი, მაშინვე ქრება შენი ხედიდან. წაშლილი ხელშეკრულება 30 დღის განმავლობაში აღდგენადია, მისი გადახდების ისტორია კი დამალულად რჩება ანგარიშთან; სრულად წაშლა შეგიძლია მოგვთხოვო.
- GPS: ბოლო წერტილი ყოველ ახალ სიგნალზე იცვლება; წითელი ხაზის მოვლენები ინახება, სანამ ხაზს, ავტომობილს ან ანგარიშს არ წაშლი.
- შესვლის მცდელობები და პაროლის აღდგენის მოთხოვნები (ლიმიტის დასაცავად) — ერთი დღის შემდეგ იშლება, არაუგვიანეს ორი დღისა.
- სესია — 30 დღე ან გამოსვლამდე; ვადაგასული სესია ერთ დღეში იშლება. პაროლის აღდგენის ბმული ერთხელ და ერთი საათით მოქმედებს და ამის შემდეგ ერთ დღეში იშლება.
- გაგზავნილი შეტყობინებების ჩანაწერი — ანგარიშთან ერთად.
- ინვოისები — ანგარიშთან ერთად; გამოწერილი ინვოისი არ იშლება, მხოლოდ უქმდება (აღრიცხვისთვის).
- ქმედებების ჟურნალი — 1 წელი; გუნდის წევრი, რომელიც ანგარიშს წაშლის, მასში აღარ სახელდება.
- შეტყობინებების მოწყობილობები — სანამ არ გამორთავ, იმ მოწყობილობიდან არ გახვალ ან push-სერვისი არ შეგვატყობინებს, რომ ის აღარ არსებობს. ელფოსტის დადასტურების ბმული ერთხელ და 3 დღით მოქმედებს.
- სერვერის ჟურნალი — ჰოსტინგის მომწოდებლის მიერ დადგენილი ვადით.
შენი უფლებები
კანონის შესაბამისად გაქვს უფლება:
- მიიღო ინფორმაცია შენი მონაცემების დამუშავების შესახებ და მათი ასლი;
- მოითხოვო არაზუსტი ან არასრული მონაცემის გასწორება;
- მოითხოვო მონაცემების წაშლა ან განადგურება;
- მოითხოვო დამუშავების შეწყვეტა ან მონაცემების დაბლოკვა;
- მიიღო შენ მიერ მოწოდებული მონაცემები სტრუქტურირებული, მანქანით წაკითხვადი ფორმით, სადაც ამას კანონი ითვალისწინებს;
- გამოიხმო თანხმობა, სადაც დამუშავება თანხმობას ეყრდნობა;
- მიმართო პერსონალურ მონაცემთა დაცვის სამსახურს (personaldata.ge) ან სასამართლოს.
პარამეტრებში, „შენი მონაცემები“ განყოფილებაში, შეგიძლია თავად ჩამოტვირთო შენი სივრცის ყველა მონაცემის ასლი (JSON ფაილი; თავად დოკუმენტები და ფოტოები თითოეული აქტივის გვერდიდან ჩამოიტვირთება) და თავად წაშალო ანგარიში.
სხვა მოთხოვნა გამოგზავნე მისამართზე contact@activo.world იმ ელფოსტიდან, რომლითაც ანგარიშზე შედიხარ. გიპასუხებთ კანონით დადგენილ ვადაში — არაუგვიანეს 10 სამუშაო დღისა.
თუ თქვენ დამქირავებელი, სტუმარი ან მძღოლი ხართ
თქვენს მონაცემებს Activo-ში ქონების ან ავტომობილის მფლობელი შეიყვანს და მათზე დამუშავებისთვის პასუხისმგებელი პირი ის არის. თქვენი უფლებების გამოსაყენებლად მიმართეთ მას. შეგიძლიათ მოგვწეროთ contact@activo.world-ზეც — მოთხოვნას მფლობელს გადავუგზავნით და მის შესრულებაში დავეხმარებით. თუ WhatsApp შეტყობინებების მიღება აღარ გსურთ, აცნობეთ მფლობელს: როცა ის ამას აღნიშნავს, თქვენთვის ახალი შეტყობინებები აღარ მზადდება. ამას ყოველი შეტყობინებაც გახსენებთ.
მონაცემების დაცვა
პაროლები მხოლოდ ჰეშის სახით ინახება, სესიები — ცალმხრივი ჰეშით; კავშირი დაშიფრულია (HTTPS); ყველა ანგარიში ერთმანეთისგან გამიჯნულია და თითოეული მოთხოვნა მხოლოდ თავისი სივრცის მონაცემებს ეხება; გამონაკლისია ბმულები, რომლებსაც თავად აზიარებ (ინვოისი, ერთეულის კალენდარი). ატვირთული ფაილები დახურულ საცავში ინახება და მხოლოდ სივრცის წევრებს მიეწოდება. GPS ტრეკერი საკუთარი საიდუმლო გასაღებით უკავშირდება; საკუთარი WhatsApp ნომრის ტოკენი დაშიფრულად ინახება. უსაფრთხოების ინციდენტის შესახებ კანონით დადგენილი წესით ვაცნობებთ პერსონალურ მონაცემთა დაცვის სამსახურს და, საჭიროებისას, შენ.
არასრულწლოვნები
Activo 18 წლამდე პირებისთვის არ არის განკუთვნილი და მათ მონაცემებს შეგნებულად არ ვაგროვებთ.
ცვლილებები
პოლიტიკის არსებით ცვლილებას ამ გვერდზე ძალაში შესვლამდე გამოვაქვეყნებთ. პოლიტიკა ქართულ და ინგლისურ ენებზეა; შეუსაბამობისას უპირატესობა ქართულ ვერსიას აქვს.